Wasiat Nabi Meualon-alon
Neupeingat kaom hudep lam donya
Wahe eu kaom beuna sembahyang
Siuroe simalam cit limong saja
Dengoe lon kisah nabi jamuen saboh jan
Na sidroe insan keunan neuteuka
Nak neutemanyong nibak Janjongan
Aneuk diuloen jameun saboh jan
Saket han wayang ka puleh hana
Ka abeh ubat rata jeut dukon
Menan cit kaoy rata Auliya
Nibak siuroe roh neukhen di lon
Allah Tuhan loen puleh aneuk da
Sangkira puleh boeh hate jantong
Lon peuleuh kaoy ngon iek buy rimba
Tema neuseot Rasul jajongan
Han pah susahnya wahe saudara
Tamita ureng yang tan sembahyang
Kenan rumohnya laju neuteuka
Bak preh-preh ujen diteka ujen
Nyan ie sembahyang neutung le gata
Han payah mita iek buy lam uten
Ngon ie serayong pih ka meumada
Nyan keuh dum hina yang tan sembahyang
Geu boh tamsian iek buy lam rimba
Nyo hadist Rakan bukoen lon ratap
Kon keu hai rakan keu gura-gura
Peumeah lon rakan menyo nagasa